थरथरत्या ओठांच्या काठी अजून रमतो तोच मारवा
अजून सुकल्या हातामध्ये तसाच झुलतो शुभ्र चांदवा
अजून निळ्या आकाशी जमतो तसाच ताऱ्यांचा मेळा
थकल्या नेत्री पुन्हा चमचमती चांदण्या कितीक वेळा
आपली पहिली भेट स्मरता अनुभवतो तसाच गारवा
अजून सुकल्या हातामध्ये तसाच झुलतो शुभ्र चांदवा
थकली तनु तरी येतो तसाच उन्मुक्त आठवांचा रेळा
अजून जीवा मोहवि तसाच आपल्या प्रणयाचा खेळा
अजुन मनाला धुन्द करितो श्रावणात पहिला शिरवा
अजून सुकल्या हातामध्ये तसाच झुलतो शुभ्र चांदवा
अजुन गुंजतो ओसाड वाटेवरी पैंजणाचा हरवला नाद
अजुन देतो क्षितिजा वरुन रेंगाळलेल्या स्म्रुतीना साद
अजुन उजाड माळरान करितो देखणा श्रुंगार हिरवा
अजून सुकल्या हातामध्ये तसाच झुलतो शुभ्र चांदवा